According To Me....

Ajj palat kay dekho to siwai dukh aur karb kay kuch nazar nahin ata Faiz sahab ki is nazm ko parh kay ahsas hota hai kay ajj faiz sahab ki zarrorat shayad pehlay say ziada hai ajj haq khenay walon ka khoon sasta zarror hogaya hai lakin un kay unmit naqoosh jo hakim-e-waqt kay daman pay lagay hai dhul nahin sakeingay.Mera Maula yeah kaisay imtihan ki ghariyon humaray mulk pay utri hai shayad kay abb teri dor khichnay ka waqt qareeb achuka hai. 

Ajj Gutanamo Bay aur Shabbar khan mein mein humaray sapooto ko bhijwanay walon kay haath abb Adliya ki pak bunyadon taak agaye hai ha Justice Iftikhar Sahab nay yahi to pooch liya tha kay kaha hai in tarapti howi maoo kay jigar goshay kaha hai in behno kay sir pay haath rakhnay walay  ha  baas yahi jurm tha un ka kay unho nay apna farz nibhaya hakim-e-Waqt aur jabir hukmrano kay samnay kalma-e-haq khay diya.Afreen hai justice sahab app per app ki himat ki jitni bhi tareef ki jai kaam hai yeah sawal nahin tha aik aisi gali thi aur aik aisa sawal jo in gharatmand logo ki selfrespect aur egoism pay kari zarb hai.

Adliya kay waqar kay parkhachay urhanay walay sirf is per baas nahin kar bethay guzishta dino wazir-e-ala Punjab ki Parhay Likhay Police Jawan jo roz TV pay akay Parhay Likhay Punjab Kay naray lagatay hai un logo pay hamla kardiya jo humari ankhein hai woh loog jo sar-e-aina aur pas-e-aina dono taraf ka aks humein dikhatay hai un ka qasoor sirf itna tha kay unho nay humaray sher police ki woh manazir live dikha diya thay jin mein dharti kay yeah Nar jawan masoom logo aur lawyers pay lathi charge aur ansoo gas kay shell fire karrahay thay Humaray buland awano walay dar-ul-hukumat naam nehad  Islamic Republic of Pakistan (Jis mein say abb Islamic kay baad republic bhi khtum horaha hai) yeah manazir in Gharatmando say bardasht na hosakay aur yeah bahdur force aik Niji TV Channel Geo kay building mein bilajawaz aur Un-consitutional (If there is some what constiution or law left) raid kardi waha mujood journalists ko mara gaya building mein tor phor ki gai aur us kay baad yeah humaray qanoon kay rakhwalay aur Womens Protection bill kay rakhwalay womens journalits per char doray unhay harrase kiya gaya torcher kiya gaya aur un ko detain karddiya gaya in a single room these detail can be verified by Dail Jung Website http://209.41.165.180/important_events/attack_on_geo/pages/urdu_news.asp meray taliban Bhaiyon nay to Sirf sharai parday ka hukum diya tha to qayamat agai thi ajj woh awazein buland karnay walay kaha hai kiya andhay hogaye hai jo azadi-e-sahafat pay aik fauji wardi mein malboos firon ko yeah saab karta howa dekh rahay hai.Baas abb kiya likho aur kitna likho Meray haath shayad keyboard pay chaltay hi rahay mazi mein say ati hoqi woh sari awazein ji na k gala ghot diya gaya apna haq mang rahi hai aur phir yeah zulm ka silsila to bauhat taweel hai yeah shab jo hum aik nai sehar kay asray mein guzar rahay hai yeah tareeki jo kai Nabinao ko roshni ka pegham bhi de rahi hai ha yahi to hai Meray Maula ka qanoon jisay cahay binai day aur jissay cahay andha karday. InshAllah abb yeah awazein app taak phocheingi meri aur bauhat say ankhon walaon ki zuban  say baas sirf Haq sunnay aur us pay Rai denay ka hosla rakhiya.Akhir mein kuch guzishto dino ki Pics jo khud apni zabani app ko haqaiq dekhaingi Ijazat dijya is Dua kay saath kay Ai meray Malik humay Haq sunnay aur bolnay walon mein say bana(Ameen).baqool faiz Sahab..

Ye daag daag ujaalaa,  ye shab_gaziidaa  sahar
Woh intazaar thaa jis kaa, ye wo sahar to nahin

Lawyers Protest

Attack On GEO and Jung Building